Spañónan ayera a rekordá e víktimanan dje aksidente di trein ku a kosta bida di 46 pasahero den e siudat di Adamuz.
MADRID, Spaña (AFP).- Un siman despues di aksidentenan den kua dos trein tabata envolví na Spaña, ku saldo di 45 morto, spañónan a selebrá seremonianan di rekuerdo na Hueva, for di unda hopi dje víktimanan a bini. E stashon di trein dje siudat Andalusia di Huelva, kaminda e trein prosedente di Madrid mester a yega, tabata esenario ayera tardi di un homenahe ku a kuminsá ku un minüt di silensio na 19:43, ora dje aksidente.
E trein Madrid-Huelva a aksidentá djadumingu siman pasá den e pueblo di Adamuz ora ku el a dal kontra di un otro ku tabata biaha di Málaga pa Madrid, i den esaki 9 víktima a muri. Ademas di e mortonan, 22 hende te ku ayera tabata ainda de hospital.
Na Adamuz, kaminda ku bisiñanan tabata e proménan pa yega pa yuda e víktimanan, ayera tabatin un misa funeral.
Faltando ainda pa konkluí e investigashon ofisial, i deskartando kaba ku tabatin fayo di konduktornan, di kua un a muri den e choke, e promé hipótesis ta indiká ku un dje treinnan a sali for di riel pa motibu di problema tékniko na e riel.
