Spar Fun Miles ora bo yena kombustibel na pòmpstashon Cocolishi na The Curaçao Yacht Club

WILLEMSTAD – Fun Miles awor tin un partner nobo i masha partikular: pòmpstashon Cocolishi situá na The Curaçao Yacht Club, e popular sitio di enkuentro nóutiko na Spaanse Water. Tur miembro di Fun Miles (hasta esnan ku no ta miembro di Yacht Club) por spar nan Fun Miles ora ku nan yena kombustibel pa na boto òf seadoo. Nan ta risibí 1 Fun Miles pa kada 2 liter (diesel òf unleaded). Esaki ta nifiká ku na tera, riba laman i hasta den laira por disfrutá di Fun Miles.

 

Tokante The Curaçao Yacht Club

The Curaçao Yacht Club a keda fundá na 1962, i ta un sitio di enkuentro pa piskadónan, doñonan di boto i yate- i nan famianan. Tin mas di 80 boto mará na The Curaçao Yacht Club, for di speed boats te yatenan luhoso. E restorant ta masha popular, i e torneo di peska anual ta legendario. Fásilmente, lo bo haña un piskadó sintá na bar ku lo por kontabo historianan fasinante tokante e bida marítimo. Pa mas informashon por bishitá curacaoyachtclub.com.

 

Tokante Fun Miles

E aña aki Fun Miles ta selebrá su di 20 aniversario, komo é programa di spar i troka punto mas grandi den Karibe. Miembronan di Fun Miles ta disfrutá kontinuamente di promoshonnan ‘fun’, manera e aktual ‘Fun Dominoes!’ ku ta regalando míles di premio di kompanianan partner i un premio mayó di 1 mion Fun Miles.

SHARE

LEAVE A REPLY