St. Josef VSBO ta yena un nesesidat; sektor nobo ICT en Media

Lisette de Hook Kabes di skol
Irela Panneflek PR tim
Giaretti Sirvania PR Tim
David Homoet PR Tim

 

Aña eskolar nobo 2020/2021 St. Josef VSBO ta habri un sektor nobo. Ta trata di ICT media. Di e forma aki ta krea oportunidat pa teniendo na kuenta nos mundu ku ta digitalisando, nos hóbennan por siña muchu mas ku solamente kòmpiuter.

 

Kabes di skol Lisette de Hooi a splika ku algun aña pasá nan a sinti e nesesidat den skol pa pueblo sa kiko ta sosodé den e skol i e mihó manera ta pa tin un PR tim ku a kuminsá ku un persona yùfrou Jeandor i awor a amplia den un tim di sanger nobo. E skol ta hasi su bèst pa ekselá den tur loke nan hasi. Pa nan ora nan hasi algu nan tin di hasié bon i pa hende keda kòrda bu segun yùfrou de Hooi.

https://youtu.be/-1H7UkRTS3q

Yena un nesesidat…

Pa loke ta e sektornan na St. Josef VSBO Lisette de Hooi a splika ku te na e momentu aki nan tin dos sektor, e esun di tékniko i e sektor di atministrativo i komersio. Bou di téknika nan tin diferente nivel. Tin nivel TKL ku e algemene techniek, e nivel PKL ku ta parti den PKL pa instalektro ku ta un kombinashon di instalatie i elektro i e área di bouwkunde. I nobo nobo bou di e área ei tin e ICT en media. Tambe nan tin PBL bou di téknika i pa loke ta atministratie i komersio tin PKL i TKL.  Pa yega na e diferente sektornan Lisette a splika ku nan ta fula tera pa wak kiko ta biba bou di e hóbennan i e nesesidat ku tin. I tambe nan ta bai ku tempu. Hopi hende ta bisa no tin skol di fishi mas pero tin bouwkunde, tin instalashon, tin elektro i hende no ta kapta ku e kosnan aki ta fishi ketu bai. E úniko diferensia ta ku ora a introdusí VSBO ta ripará ku ta ménos aña e hóben ta dura den e fishi ei. Normalmente ora el a kaba LTS e por a bai traha mesora. Pero den VSBO e no ta e trayekto final di estudio pero ta haña formashon general den arte, músika, mens en maatschappij i ta haña tambe e fishi ku a skohe pe. Antes e persona ku ta bai LTS ta enfoká mas riba fishi i ta haña un hende ku ta tremendo den fishi pero no sa masha kos di aardrijkskunde i geschiedenis. Esei ta e diferensia entre VSBO i LTS di ántes. Awor nan ta bisa ku tin e bouwkunde i instalektro di semper pero ta wak kiko e hóben tin nesesidat den dje. I a yega na e ICT pero no ta e ICT so pero ICT en media. Lisette a bisa ku wak por ehèmpel EXTRA ku tabata un korant pero awor a digitalisá. Mester kana ku e hóbennan den e direkshon di loke komunidat ta pidi di nan i p’esei a bisa ku ta bin ku algu èkstra banda di e ICT ku ta media.

 

E hóben awendia no ta difísil pero diferente…

St. Josef VSBO tin algu mas ku 500 alumno. Lisette de Hooi a bisa ku ta masha fásil pa atendé ku hóbennan. E ta un plaser pe i ta su pashon. El a bisa ku dia e no hasi e trabou ei mas, e lo bai bende paña den Punda. E no ta lanta niun dia bisa ku e no ke bai su trabou. E tabata dosente promé i a keda ku e mesun amor.  I no solamente ku tur hóben e ta atendé pero tambe ku tur su koleganan ku ta hendenan ku a konosé hopi aña. E tin un relashon ku nan i esei ta pone ku e por atendé mihó ku e muchanan. Aki no ta trata di e kabes di skol so pero e tim. Una bes ku bo tin un tim ku smak bo tambe ta haña mas smak pa ekselá. Yùfrou de Hooi no ke bisa ku tabata mas fásil e hóben di ántes i awor. Loke e por bisa ku nan ta diferente. Antes un hóben tabata mas obediente pasobra e ta sali for di kas mas obediente, Awor e ta kuestioná bu, e ta puntra bu i ta reta bu. I e dosente no por keda pegá ku ta loke bisa ta hasi pero mester kana ku e proseso ku e hóben ta eksihí mas di e dosente. Lamentablemente ta bin aserka ku tin kosnan ku ta karesé na kas i e dosente tin di duna na skol i esei ta un reto pa e dosente. Ta ora komo dosente bo ta den e trabou, bo sa kon pa atendé ku nan; ora topa un hóben ku no a kome mainta, e ta bin ku su problemanan di kas, e ta zundra pero no ta ònbeskòp e ta pero ta un nesesidat e tin i no sa kon pa ekspres’é. Pa Lisette e hóben ta simplemente diferente.

 

David Homoet PR Tim; St. Josef VSBO ta demostrá di ta un bon skol…

David Homoet ta forma parti di e tim di PR di St. Josef VSBO. Den e tim aki el a bisa nan ta purba informá na promé lugá e hendenan di afó kiko e skol ta ofresé. E ta algu ku awendia hende ke mira kiko un skol ta kome i bebe, no ta nòmber so ta e kos pero mester bin dilanti i bisa kiko ta para pe. Ta fásil pa bisa ku ta un bon skol pero na St. Josef segun David, nan ta demostrá ku nan ta un bon skol komo nan tin un tim di dosente kolega ku tin ora wikènt, anochi nan ta bezig pa e muchanan ta skol. Na e okashon di e entrevista David tabatin un T-shirt bisti di ora e skol a kumpli 80 aña ku por sierto ta 10 aña pasá. E logo a keda krea dor di un eks alumno di e skol pasobra tabatin un kompetensia di krea logo i por a pone den perspektiva loke nan ta mira ku e skol ta para pe. I e mucha a mira deporte, karnaval, diferente aspekto ku ta para pa St. Josef un skol kampeon i ta sigui bai huntu ku e muchanan. I p’esei e tim di PR ta skucha loke nos hendenan ke i ta purba di guia nan den e proseso, informá ku e informashon ku mester i korekto.

Na St. Josef e mucha ta sentral…

David Homoet a bisa ku por sosodé ku e hóben a skohe algu ku no ta direktamente loke e tabata ke pasobra tin sierto aspekto ku tin di tene kuenta den klas 2 ora ta wak rapòrt. Pero na e skol aki nan ta guia e mucha den bon kaminda. I esei ta e parti di trabou di dekano, ku por sierto ta David su trabou tambe, ku ta guia e mucha unda e por sigui. Nan tin un ‘zorg’ tim ku ta konsistí di diferente persona i profeshon i huntu ku e trahadó sosial ta purba di yuda e hóbennan riba diferente área i tereno ku nan tin nesesidat di dje. Den temporada di ‘lockdown’ nan a keda atendé ku nan muchanan. Serka nan e mucha ta sentral. I den esaki nan ta konta riba e aporte di kas pasobra ta huntu por krea e komunidat di mayan. I p’esei ta envolví mayornan den tur loke nan ta hasi na e skol. Banda di eduká nan ta forma e yu pa e bira un hende ku ta para den komunidat aki pa un bon hende; un siudadano ehemplar. Nan no ta nenga niun mucha pero si ta papia ku mayor i yu prinsipalmente ora wak sierto anotashon di karakter i anotashon di e mucha. Nan tei pa yuda hende i nan tin di wak traha e mihó plan pa yuda. I semper nan ta purba krea e opshon. Si nan ta yen mes na e skol nan ta wak tòg kon por yuda e hende pasobra e mester haña skol, formashon i edukashon.

 

Irela Penneflek; ICT en Media…

Irela Panneflek ta forma parti di e PR Tim di e skol. Pa loke ta e ICT en Media Irela a splika ku nan ta dediká mas na e hardware di e kòmpiuter esta atendé ku un kòmpiuter su diferente partinan i banda di e ICT nan a pone algu èkstra ku ta e Media ku ta traha programa di radio, kontenido pa youtube ku ta hopi tin i asta konsiderá komo un profeshon i esei nan ke ofresé e hóbennan interesá pa e ruta nobo aki. E ta bai den e pashonnan. Intenshon ta pa hasi programa di radio entre otro dor di lanta nan mes radio pa e muchanan haña un sentimentu kon ta traha den e ramo. Esaki at bira su promé aña. Segun Irela nan ta purba hasi propaganda pa informá eifó di e sektor nobo aki. Nan mes ta propagá i trese  e media dilanti. E kreatividat ku e media ta pidi di e hende ku ta bezig den media. El a keda bon risibí i nan ta hañando masha bon reakshon. E hóbennan ta reakshonando segun Irela. Tur aña nan ta purba di enfoká no solamente riba siñamentu pero tambe e parti sosial nan tin diferente aktividat. Nan ta ofresé diversidat den e parti sosial tambe. Tin hopi kos den tapara. E alumno interesá por spera hopi kos great di St. Josef. Irela ta kere ta bin pa tira lus riba e otro sektornan manera atministratie i komersio ku ta nivel PKL i TKL i nan tin e sektor téknika riba nivel ti TKL ku ta algemeen techniek i e nivel di PPL i PKL tin den techniek e parti di instalektro i bouwkunde.

 

Giaretti Sirvania; ta habrí pa tur hóben…

Aparte di loke skol a hasi kaba esta share informashon i link, den último dianan nan a bishitá diferente media i konosé pa nan mes kon sierto kambionan ku a tuma lugá últimamente den studio nan ku ta mira un parti so pero ora ta einan ta wak un studio mas amplio. Ta sitionan ku nan por hasi uso di dje den futuro pa hóbennan. Giaretti a mustra kon e kosnan a kambia den media, ku teknologia moderno ku a hasi mas fásil pa nan move di un lugá pa otro kompará ku ántes. St. Josef ta un skol di aña 3 i 4. E mucha ta kaba e promé dos añanan ta un otro skol i serka nan tin klas 3 i 4 ku ta e añanan di eksámen. No nesesariamente e hóben mester tabata den téknika pero semper esei por. Ta dependé di e resultado di e aña 2 pa e bai e direkshon di ICT en Media. Aktualmente segun Giaretti nan tin dos nivel ku ta PKL i ta habri pa e hóbennan ku ke hasié den TKP. Ta segun e inskripshonnan drenta nan ta wak si tin mas pa PKL òf si tin di un kombinashon di PKL i TKL. Nan ta habri pa tuma mucha di tur otro skol.

SHARE

LEAVE A REPLY