NEW YORK, USA.- Starbucks lo eliminá 1.100 puesto di trabou atministrativo komo parti di un reorganisashon ku e meta pa reaktivá e kresementu di benta, segun e direktor general nobo dje kompania.
E gigante di kòfi ta tumando “e desishon difísil pa eliminá 1.100 puesto di trabou i vários shen puesto adishonal habrí”, segun e direktor Brian Niccol, den un mensahe na e empleadonan.
E medida lo no afektá esnan ku ta sirbi kòfi na klientenan, konosí komo “baristanan” den e organisashon di Starbucks.
Den sèptèmber di 2024, Starbucks tabata empleá 361.000 trahando, inkluso 16.000 puesto atministrativo i di apoyo.
Niccol a drenta Starbucks den sèptèmber di 2024 komo parti di un reorganisashon di e direkshon dje kadena, ku ta enfrentá un kaida den benta.
Den e último trimèster, Starbucks a reportá un kaida den su ganashi despues di un disminushon di 4% di benta den su tiendanan na nivel mundial.
Starbucks tambe tin intenshon pa redusí su oferta na klientanan pues, lo eliminá “un selekshon di bebidanan ménos popular”, segun nan a anunsiá riba su wèpsait.
