SEATTLE, WASHINGTON, MERKA, AP.- Starbucks a oumentá e preisnan di vários di su produktonan den su kafetarianan di Merka. E empresa ku ofisinanan korporativo den Seattle a informá djamars ku su preis a oumentá entre 10 i 20 sèn di dòler, miéntras ku e preisnan di èsprèso i latte a subi entre 10 i 30 sèn di dòler. E kompania a bida den un komunikado ku e kambio di preis den tiendanan ta wòrdu “evaluá kontinuamente a base di produkto pa produkto i merkado pa merkado, pa pone e nesesidatnan di e negoshi den ekilibrio”.
E oumento di preis ta tuma lugá un dia despues ku Starbucks a anunsiá ku ta oumentá salario di su empleadonan ku 5%. Lo subi salario di empleadonan i gerentenan tambe den kafetarianan di Merka.
Un bosero di e kompania a bisa na The Associated Press ku e preis ta relashoná ku e oumento salarial i ta un resultado di “balansá e kosto di hasi negoshi den e merkado”.
