Angela Rayner a hañ’é ta baha komo vise Promé Minister i Minister di Bibienda.
GRAN BRETANIA (AFP).- E promé minister britániko, Keir Sarmer, a anunsiá un reorganisashon di su gobièrnu despues di retiro di su vise promé minister, Angela Rayner, kende a atmití di no a paga impuesto riba e kompra di un apartamentu. Na e puestonan klave, e minister britániko di Interior, Yvette Coer, a keda nombrá minister di Relashonnan Eksterior, remplasando David Lammy, ku ta pasa pa e kartera di Hustisia i ta bira e vise promé minister na lugá di Angela Rayner.
E retiro di Rayner, figura di ala iskierda di Partido Laboral i te na e momento ei e number dos dje partido, tabata un sla fuerte pa Keir Starmer. “M’a disidí na retirá di mi funshonnan di vise promé minister i minister di bibienda, komo tambe vise presidente di Partido di Labor”, Rayner a skirbi despues di vários dia di polémika.
E polítiko laborista a spar 40.000 pound sterling (53.700 dòler) na impuesto relashoná ku e kompra di un kas, kitando su nòmber komo propietario di un otro kas. Komo resultado di esei, e apartamento nobo tabata ofisialmente su úniko propietario inmobilario.
E polítiko laborista, kende a atribuí e eror na “konsehonan no korekto”, a bisa djárason di a alertá outoridatnan di impuesto i a konsultá ku e asesor di étika di gobièrnu. “Realmente m’a keda den estado di shòk, pasobra m’a kere di a hasi tur kos di forma korekto”, segun Rayner den un entrevista ku Sky News.
