DETROIT, AP.- Un stewardess musulman a demanda e kompania ExpressJet pa suspenshon no hustifiká pasó el a ninga di sirbi bebida alkohóliko na pasaheronan.
E ofisina na Michigan di Konseho di Relashon Islámiko Merikano a anunsiá djamars ku a presentá un demanda siman pasá na nòmber di Charee Stabley, un stewardess ku ta traha na Detorit pa e aerolínea, ku ofisina na sentral na Atlanta. Stanley ta bisa ku ExpressJet no a proveé un areglo religioso rasonabel i ta buskando un pago di salario i otro kompensashon pa dañonan. E muhé a wòrdu poné riba lisensia sin suèldo durante un aña.
ExpressJet a bisa den un komunikado ku ta balorá diversidat, pero ku no por duna komentario riba asuntunan spesífiko di kasonan di demanda andando.
