Studiantenan protestando na Chile
SANTIAGO, CHILE, AFP.- Míles di studiante chileno a protestá djaweps na Santiago kontra gobièrnu derechista di Jose Antonio Kast. E presidente elekto tin intenshon kambia akseso grátis na universidatnan, despues ku a kòrta den e presupuesto di Ministerio di Edukashon.
E manifestantenan a marcha den vários avenida di Alameda. Tabatin algun konfrontashon ku polis, kual mester spùit awa riba e studiantenan pa kalma e protesta.
Kast a duna òrdu pa kòrta den gastunan koriente di e ministerionan ku 3%, kual lo afektá edukashon tambe, pa asina e por kumpli ku su polítika di ousteridat.
Ademas, e gobièrnu di Kast ta evaluando e posibilidat pa limitá akseso grátis na edukashon universitario pa studiantenan riba 30 aña. E manifestantenan ta teme ku e lo bini ku mas ahuste.
“Kast ke redusí e gastunan di gobièrnu ku 6.000 mion dòler den e próksimo 18 lunanan, pero su opositornan ta duda ku e por logra esaki sin afektá benefisionan sosial.
Gobièrnu ya a mustra ku e intenshon pa spar gastunan ta serio. Djaweps preis di gasolin a subi ku 30% i diesel 60% despues ku a eliminá supsidionan ku ta prevení oumento di preis pa motibu di e guera den medio oriente.
