WILLEMSTAD.- Supermerkado Vreugdenhil a selebrá djasabra su 95 aniversario. Ku orguyo, selebrando kasi un siglo komo un di e supermerkadonan familiar mas bieu di Kòrsou. Naturalmente e selebrashon ta huntu ku nan klientenan den tienda, ku un trit i músika bibu. E momento ta reflehá e historia riku di Vreugdenhil, for di su kuminsamentu na 1931 te na e di tres generashon ku ta liderá e negoshi awendia, i tin su lugá duradero den bida diario na Kòrsou.
