JOHANNESBURG, SURAFRIKA, AFP.- Suráfrika, kual a kaba di drenta den su terser ola di COVID-19 a anunsiá djadumingu ku lo deshasí di dos mion vakuna di Johnson & Johnson pa un “problema” durante su fabrikashon den Merka.
E regulador di medisina surafrikano SAPHRA “a tuma e desishon pa no distribuí e vakunanan produsí ku komponentenan inadekuá”, segun un komunikado. Outoridat di Merka a bisa djabièrnè ku e vakuna britániko di AsztraZeneca produsí na e mesun fábrika, a meskla ku e formulá di Johnson & Johnson i ku esaki tabata un eror.
E minister di salubridat surafrikano Mmamoloko Kubayi-Ngubane a rekonosé ku esaki ta un retroseso den e programa di vakunashon. Suráfrika mester haña 31 mion vakuna di J&J.
