JOHANNESBURG, SURAFRIKA, AFP.- Suráfrika ta investigando diferente kaso di korupshon ku ta embolbí ladronisia òf mal maneho di fondo aprobá pa kombatí e pandemia di Corona vírus, segun indikashon di presidente Cyril Ramaphosa.
Funshonarionan a krea un ekipo spesial pa investigá e akusashonnan di korupshon den áreanan di distribushon di kuminsá, sèn, ekipo di protekshon i médiko. “Por lo ménos 36 kaso ta wòrdu investigá aktualmente”, segun indikashon di e presidente.
E gobièrnu a anunsiá un pakete di 26.7 miar dòler pa stimulá ekonomia i pa hasi pagonan sosial pa minimisá e impakto di epidemia di Corona vírus. Pero un parti di e fondo a wòrdu hòrtá, malusá òf usá pa otro proyektonan den gobièrnu.
