E rèper Liam O’Hanna ku a hinka su mes den un problema serio.
LONDRES (AFP).- Liam O’Hanna, miembro dje grupo di rèp norirlandes Kneecap, a keda akusá di un delito di terorismo pa a zuai ku bandera di Hezbola durante di un konsierto na Londes den luna di novèmber último.
E movementu libanes pro iraní Hezbolá ta keda konsiderá komo grupo terorista den Reino Uní.
Liam O’Hanna, kende su nòmber artístiko ta Mo Chara i Kneecap, mester komparesé dilanti di un tribunal di Londres dia 18 di yüni.
E trio oriundo di Belfast, konosí pa su postura pro palestino, ta opheto di krítika for di despues ku durante di un konsierto a akusá Israel di “genosidio kontra dje pueblo palestino” den Gaza.
For di despues di esei, vários video di nan konsiertonan a subi retnan sosial. Den un di nan, un dje miembronan parse ta grita “Ariba Hamas, ariba Hezbola”.
Polis anti terorista a anunsiá na prinsipio di mei di lo investigá vários video pasobra tin ”motibunan pa investigá posibel delitonan”.
Di nan parti, e rèpernan a sigurá di ”no ta apoyá ni nunka a apoyá Hamas òf Hezbola”.
Den último simannan, e grupo a keda ekskluí di un festival den Cornualles, den zùitwèst di Inglatera i vários di su konsiertonan na Alemania a keda kanselá.
