Un pintura di loke mester a bira e sala di baile di White House – na man drechi – pero ku un hues di Washington a para pa motibu ku no tin aprobashon di Kongreso.
WASHINGTON (AFP).- Un hues federal ayera a amplia un órden ku ta prohibí e konstrukshon di un sala di baile pegá na White House. Sinembargo el a duna lus bèrdè pa sigui ku e trabounan di un bùnker supteraneo, ku ta un dje proyektonan di Donald Trump.
E hues di distrito, Richard Leon, luna pasá a ordená e suspenshon di e salon di baile di 400 mion dollar, mustrando riba e punto ku e proyekto mester haña aprobashon di Kongreso, despues ku ya a eliminá e históriko ala robes di White House.
Den un veredikto modifiká, Leon a amplia e prohibishon di kualke konstrukshon riba nivel di suela dje salon di baile ku lo mester a bin den e ala ost, kaminda tabatin e ofisinanan dje ‘first lady’.
Pero el a bisa ku e konstrukshon di un instalashon supteráneo di seguridat nashonal por sigui.
E salon di baile a bira un proyekto importante pa Trump durante di su di dos mandato i el a menshon’é den aparishonnan públiko, konferensianan di prensa i reunionnan. Trump a trese dilanti ku mester di un gran sala di baile pa okashon di eventonan spesial i senanan di Estado pa dignatarionan bishitante.
E mandatario a bisa di lo kubri e gastunan, kalkulá na mas ku 400 mion dollar, ku donashon privá, pues no ku sèn di pagadónan di belasting.
Masha remarkabel e prohibishon aki. Mihó nos usa un soundboard pa disfrutá di músika i zonido na un manera responsabel i ameno!