Presidente kolombiano Abelardo de la Espriella kende lo hasi mas fásil pa kolombianonan por arma nan mes.
BOGOTA (AFP).- E presidente derechista di Colombia, Abelardo de la Espriella, a fleksibilisá e restrikshonnan pa por karga arma di forma legal den e pais na momento ku Colombia ta envolví den un krísis di seguridat ku mafianan di narkotráfiko. E mandatario a yega na poder komo un luna pasá ku e promesa di lo bai ku mannan duru kontra di gueria i otro gruponan armá ku ta operá den teritorionan grandi. Den su kampaña el a tira diskurso na fabor pa siudadanonan por karga arma den un pais marká pa seis dékada di un konflikto armá ku a laga mas ku dies mion víktima, entre nan por lo ménos un mion ku a keda asesiná.
De la Espriella ayera a duna di konosé di a saka un dekreto pa suspendé e rekisito ku for di 2015 ta prohibí siudadanonan pa por karga arma di manera legal den lugánan públiko. “No tin motibu pa e kriminalnan ta armá te na djente i ku e hende inosente no por defendé su mes”, segun e presidente a bisa. Mas aleu el agregá ku: esnan ku ke atkerí un arma mester kumpli ku ‘kondishonnan físiko, síkiko i emoshonal.
Miéntras tantu, gobièrnu di Colombia a start ku un plan pa mediante bombardeo i atakenan riba tera enfrentá gruponan armá konsiderá na Merka komo teroristanan. E presidente ta fuertemente kritiká pa videonan den kua por mir’e ta kana entre kadavernan tapá ku klechinan blanku tratando aki di gruponan matá pa forsa públiko.
