Ayera ketu bai Israel a sigui bombardiá e área den zùit di Líbano, argumentando ku esaki ta kontra militantenan di Hezbola.
WASHINGTON (AFP).- Israel i Líbano a ekstendé ku 45 dia e periodo ku e dos paisnan lo no ataká otro den nan guera, esei faltando dos dia pa e promé periodo di “pas” vense. Apesar ku dia 17 di aprel a yega na un akuerdo pa stòp e atakenan, ehérsito israelí a siguí ataká ophetivonan di Hezbola den Líbano, kousando morto di por lo ménos 400 persona, segun konteo di AFP, basá riba sifranan ofisial.
“E palabrashon di 16 di aprel lo keda ampliá ku 45 dia p’asina permití avansenan nobo den negosiashonnan”, segun un bosero di Departamento di Estado, Tommy Pigott. El a bisa mas aleu ku Departamento di Estado lo ouspisiá negosiashonnan dianan 2 i 3 di yüni ku e meta pa alkansá un akuerdo polítiko permanente, i ku Pentagon lo reuní delegashonnan di forsanan armá di ámbos pais dia 29 di mei. “Nos ta spera ku e kòmbersashonnan ei por kondusí na un pas duradero entre e dos paisnan, e pleno rekonosimentu di soberania i integridat teritorial di kada un di e establesimentu i un seguridat real riba nan frontera kompartí”, segun Pigott a afirmá.
Israel a duna di konosé di lo sigui ataká Hezbola, e grupo chikí ku den solidaridat ku Iran a start e konflikto na frontera i ku no ta tuma parti den e kòmbersashonnan na Washington.
