KINGSTON (AP).- Mashinnan pisá a destruí míles di webu di turtuga di laman i turtuganan resien nasé na un playa di Trinidad, konsiderá e zona di mundu ku mas tantu nèshi di e espesie aki, esun mas grandi di turtuganan.
Ekiponan di trahadónan di gobièrnu tabata traha ku buldozernan pa drecha e riu Grand Riviere ku ta menasá un hotèl kaminda turistanan di rònt mundu ta opservá e ponementu di webu di e turtuganan grandi aki , ku ta un espesie den peliger di ekstinshon.
E ambiental ista di Trinidad, Sherwin Reyz, a bisa ku e ta kalkulá ku a pèrdè 20.000 webu. El a bisa ku kantidat grandi di paranan i kachónan di kaya a yega e lugá pa kome e restunan.
