PARIS (AP).- Investigadónan franses ayera a tene redada den kasieofisinanandi èks presidente Nicolas Sarkozy komo parti di un investigashon pa supuesto finansiamentu ilegal di su kampaña presidensial na 2007 di parti di e heredera di e empresa di kosmétika L’Oreal, asina un funshonario a bisa.
Sarkozy a wòrdu menasá pa posibel problemanan legal despues ku el a pèrdè presidensia kontra e sosialista Francois Hollande den e elekshonnan di mei. E èks mandatario ta nenga di a aktua ilegalmente.
Wes Jean-Michel Gentil i otro investigadónan di e unidat di delitunan finansiero di Paris a realisá e redada, asina e funshonario, a bisa.
E investigashon ta konsentrá den e finansanan di e muhé mas riku di Fransia, e heredera di
L’Oreal, Lilliane Bettencourt.
Un pleitu familiar bieu enkuanto su fortuna a ekspandé na 2010 te ku el a konvertí den un asuntu polítiko i un investigashon na diferente nivel. A surgi akusashonnan ku Bettencourt a duna fondonan ilegal na e partido di Sarkozy durante e kampaña di 2007, akusashonnan ku e èks presidente ta nenga enfátikamente.
E krítikonan di Sarkozy, frustrá pa e manera ku el a manehá un ekonomia asotá pa reseshon i pasobra nan ta konsiderá ku el a konsentí e rikunan demasiado, a risibí e akusashonnan ku plaser.
Un tenedó di buki di Bettencourt a bisa na 2010 ku el a entregá 50.000 euro en efektivo na 2007 na e tesorero di e partido di Sarkozy pa e destiná nan na e kampaña presidensial.
Un buki publiká aña pasá ta insinuá ku Sarkozy mes a risibí plaka di kampaña no deklará, kargo ku e ta rechasá.
E kaso a pone ku a kuminsá ku un debate riba libertat di prensa. E korant Le Monde a hasi un demanda den kua el a akusá e ofisina di Sarkozy di a usa servisionan di kont raintel igensia pa identifiká un fuente ku a filtra informashon riba e investigashon.
E ofisina di e èks presidente a bisa ku nunka el a duna e tipo ei di instrukshonnan na un agensia di inteligensia.
