Presidente colombiano Gustavo Petro kende den pitu ker a oumentá salario mínimo.
BOGOTA (AFP).- E máksimo organismo atministrativo di Colombia a ordená e suspenshon di oumento di salario mínimo ku 23.7% pa 2026, e oumento mas grandi dje siglo, dekretá pa e gobièrnu di Gustavo Petro i blanko di krítika sektor empresarial.
Faltando poko luna pa elekshon presidensial i meimei di krítikanan debí na violensia den e pais, Petro den desèmber a anunsiá e históriko subida di salario mensual, medida popular entre klase trahadó. E pago mensual lo a subi di 1.623.500 peso (422.2 dòler) pa 2 mion peso kolombiano (520.2 dòler). Empresanan i oposishon kolombiano ta akusá e medida di no ta sostenibel, despues ku ekonomistanan a atvertí ku e por oumentá di forma fuerte inflashon i kosto di bida,
E Konseho di Estado a ordená gobièrnu pa saka un dekreto nobo den un periodo di ocho dia despues di a risibí desena di demanda kontra dje subida.
“Suspendé un dekreto di salario mínimo ta pone e konstitushon na riesgo, segun e presidente kolombiano a skirbi riba X. E ministerio di interior i man drechi di Petro, Armando Benedetti, a bisa k’e desishon ta “apsurdo”.
For di gobiernu a bai un petishon na sentralnan di trahadónan, fiel defensornan dje medida di Petro, pa na subi kaya i protestá kontra dje desishon pa para e oumento.
