MIAMI, AP.- Paulina Rubio a haña mas tempu. Djaweps un hues di Miami a aseptá e pedido di e kantante mehikanoiaposponée huisio pa mas di dos luna, te dia 13 di novèmber. E huisio ku Rubio ta enfrentá ta pa motibunan ku e no a kumpli ku kontrakt na Colombia.
E inisio di e huisio tabata previsto pa dia 20 di ougùstùs. Ku e desishon di hues Abby Cynamon, Rubio a haña tempu pa prepará mihó pa su kaso di no a yega na tempu na un konsierto den ougùstùs di 2010 na Colombia.
“E huisio lo kuminsá djamars dia 13 di novèmber”, asina e magistrado a bisa despues di a skucha e pedido hasi pa e abogado di Rubio, Omar Ortega i tambe esnan ku ta oponé kontra e demandantenan.
E hues a indiká ku e huisio lo por dura seis pa shete dia, spesialmente ya komo e testigunan lo yega Miami for di Colombia.
Na novèmber 2010, Rubio a wòrdu demandá pa CMG Entertainment i korporashon ku sede na Miami.
E konsierto ku Rubio mester a presentá na dje tabata parto di e Festival Internashonal di
Kultura di Boyaca.
Segun e demandantenan Rubio no a kumpli ku un kontakto ku el a firma fo’i delantá. Ta pidi un mion di dòler pa daño i prehuisio korespondiente na e gastunan di e organisashon di e konsierto, ademas di interes i kostonan legal.
E defensa di e artista ta ku e no por a yega na e espektákulo pa rebelá ku transporte aéreo di Tunja i no pa falta di interes den e konsierto.
Ortega a bisa ku Rubio no por a bini e huisio na final di ougùstùs ya komo e mester biaha pa Méhiko pa graba un serie di televishon te na kuminsamentu di sèptèmber.
