MERKA, AP.- E menornan inmigrante detené pa e gobièrnu di Merka mester haña kuminda den bon kondishon, awa limpi, habon i pasta di djente segun un akuerdo tokante e kondishonnan di detenshon. Esaki ta loke un pènel federal di apelashon a determiná djaweps, rechasando e intento presidente Donald Trump pa limitá loke e gobièrnu mester proveé e migrantenan kuné.
Un pènel di tres hues di Korte di Apelashon di Nobeno Sirkuito na San Fransisco a rechasá e desishon di e gobièrnu federal, argumentando ku outoridat no a proveé un ambiente higiéniko ni safe, konforme un akuerdo negoshá na aña 1997.
E hues di korte federal, Dolly Gee na Los Angeles a disidí na aña 2017 ku outoridat no a kumpli ku e akuerdo despues ku inmigrantenan hóben detené na frontera e bisa ku nan mester a drumi riba suela den un sèl friu i ku nan a haña kuminda den mal kondishon i awa shushi. E problemanan den e instalashonnan a persistí desde e tempu ei. Gee a asigná un supervisor independiente pa evaluá e kondishonnan.
