CIUDAD DE MEXICO.- Gobièrnu di México a reforsá seguridat den e peligroso siudat di Sinaloa ku 1.600 militar, despues ku dos diputado a keda ataká ku tiru i ku dies trahadó di un mina a keda sekuestrá.
E militarnan a keda desplegá praktikamente na momento ku e presidente Claudia Sheinbaum tabata den un kombersashon na telefòn ku Donald Trump, papiando di seguridat i komersio.
E distrito mehikano aki, kaminda for di desèmber ya a instalá 11.000 militar, ta sakudí for di 2024 pa hopi kaso di sekuestro, robo i asesinato den disputa entre gruponan dje poderoso kartel di Sinaloa.
Djarason último, e diputadonan lokal Sergio Torres i Elizabeth Montoya a keda ataká ku tiru ora ku nan tabata sali for di sede di Kongreso den Culiacan, kapital dje estado.
E legislador Torres ta den situashon delikado den hospital, miéntras ku su kompañera a pèrdè un wowo.
