SIUDAT DI MEXICO, AP.- Un periodista sekuestrá na Veracruz, un estado wèst di México, a wòrdu reskatá pa forsanan di seguridat algun ora despues ku el a wòrdu sekuestrá den su kas, segun informashon di outoridat djaweps.
Polis a bisa den un komunikado ku a detektá un vehíkulo sospechoso riba un kaminda di tera djárason anochi i a surgi un tiroteo entre e agentenan i tres sekuestradó ku a hui na pia. Reportero Marco Miranda Cogco a wòrdu deskubrí mará na e parti patras di su outo.
E Komité di Protekshon di Periodistanan, ku sede na New York, a bisa ku México ta e pais mas peligroso pa periodistanan den e kontinente. E grupo a bisa ku 49 periodista a wòrdu asesiná for di 1992 pa motibunan relashoná ku nan trabou i 62 den sirkunstansianan ku no a wòrdu aklará.
E reportero di polis a wòrdu asesiná dilanti di su kas, diesdos ora promé ku e sekuestro di Miranda.
