UPDATE: OM a sepone kaso kontra Steven Martina pero bou di sierto kondishon

Minister Steven Martina na apertura di Konferensia Nashonal di Turismo

WILLEMSTAD.- Manera EXTRA a informá mas tempran awe mainta, Ministerio Públiko (OM) a terminá e investigashon kontra di èks-Minister di Desaroyo Ekonómiko, Dr. Ir. I.S. Martina i a tuma e desishon pa seponé e kaso bou di sierto kondishon.

Na fin di 2017 vários persona a hasi denunsia kontra di señor Martina. E lo mester a aktua kontra di e Lèi di Integridat (kandidato) Minister (Landsverordening). Riba 24 di mei 2018 a duna Landsrecherche òrdu pa kuminsá ku un investigashon di echos (feitenonderzoek). E resultadonan di e investigashon aki a pone ku a kuminsá un investigashon penal.

OM ta konkluí ku señor Martina, den Konseho di Minister, a tuma parti den e proseso pa tuma desishon tokante konsepto di lèi pa kambia tarifa di seguro WA obligatorio. Dor ku señor Martina na e momentu ei tabatin akshon den un kompania di seguro, e tabatin un interes komersial den e desishon. Pa e motibu aki a base di e Lèi di Integridat, e no por a partisipá na tumamentu di e desishon aki. Awor ku esaki a sosodé, segun OM, un echo kastigabel a wòrdu kometé. Mas detaye den edishon di EXTRA.

Ta ‘seponeer’ kaso kontra Steven Martina

WILLEMSTAD.- informashon ku EXTRA ta disponé di dje a indiká ku Ministerio Públiko lo por ‘seponeer’ e kaso kontra di eks minister Steven Martina. Manera ta konosí algun siman pasá a kuminsá un investigashon kontra di e Martina ku na e momentu ei ainda tabata minister enkargá ku Desaroyo Ekonómiko.

For di e momentu  ei Martina a entrega su retiro serka su ekselensia gobernador sra. Lucille George-Wout. E desishon aki, ounke unu ku mayoria ta komprondé ku ta esun mas sensato, tòg a kousa hopi doló  no solamente den e partido MAN pero tambe den komunidat. Hopi pregunta tur kaminda dikon OM a bai investigá na e momentu ei. 

OM a kuminsá investigashon a base di keho ku miembronan di e partido Kòrsou di Nos Tur a entrega kontra Martina relashoná ku e kaso di oumentu di seguro di outo WA. A mustra ku Martina komo eks CEO i tambe akshonista di Guardian Fatum a aktua kontra lei na momentu ku el a atendé ku e desishon den Konseho di Minister pa oumentu di e tarifa di seguro. Pues OM ta legumai e investigashon kontra Steven Martina. Mas detaye den edishon di EXTRA.

SHARE

LEAVE A REPLY