CIUDAD DE MEXICO, MEXICO (AFP).- A haña kadaver di kuater persona, entre nan un kandidato pa gobernador di un estado i su kasá, den un  vehíkulo sendé na kandela den e balneario di Acapulco, den zùit di Mexico.

E víktima a keda identifiká pa Partido Revolucionario Institucional (PRI) komo Aníbal Zúñiga Cortés, kende tabata aspirá den elekshonnan general di 2 di yüli próksimo pa keda eligí komo gobernador di Coyuca de Benitez, estado di Guerrero. E polítiko i su kasá a keda “kobardemente asesiná”, segun PRI den Guerrero, zona fuertemente gòlpia pa violensia di krímen organisá.

Den e vehíkulo kimá a haña otro dos kadaver i material di propaganda dje kandidato.

E kampaña pa e elekshon di 2 di yüni na Meixco, den kua lo eligí mas di 20.000 funshonario federal i lokal, ta keda sakudí pa un ola di violensia, mas tantu kontra aspirantenan pa puestonan di munisipio.

Djaweps anochi den e estado di Chiapas, tambe den zùit dje pais, nan a asesiná Lucero Lopez Maza, kandidato pa alkalde di La Concordia. A tir’é mata durante di un reunion polítiko. Otro sinku persona, inkluso un menor di edat, tambe a muri na e okashon ei.

For di 23 di sèptèmber, dia a start e proseso pa elekshonnan general, i te ku 1e di mei, nan a mata 26 aspirante pa funshonnan públiko.

LAGA UN KOMENTARIO

Please enter your comment!
Please enter your name here