WILLEMSTAD.- Wes komisario a suspendé detenshon di e pelotero Jonathan Schoop. Dia 11 di febrüari último, wes komisario a prolongá detenshon dje pelotero ku 60 dia. Sinembargo su abogadonan Sulvaran a inisiá ku otro prosedura pa logra su suspenshon. Un ratu pasa a bira konosí ku wes komisario a suspendé detenshon di Schoop. Dia 29 di yanüari último a detené e pelotero Jonathan i 8 persona mas. Durante redada a konfiská vários arma di kandela, munishon, patronchi i lachi. Mas detaye mañan den korant Extra.
