BLOOMFIELD, NEW JERSEY, MERKA, AP.- Un hòmber a wòrdu gòlpia riba un tereno di parker di un restorant di New Jersey. Esaki ta debí ku e tabatin un blusa di Donald Trump bisti segun indikashon di polis. Un shofùr a ataká un hòmber di 62 aña djárason último na momentu ku esaki tabata kana riba kaya ku un kamisa ku tabata mustra e kandidato republikano pa presidensia dilanti un bandera merikano, segun indikashon di polis di Bloomfield na NorthJersey.com i nj.com.
E outomobilista a puntra e hòmber si su kaminda tabata bisa “Trump for presidente”, despues el a sali di su vehíkulo i a ataká e hòmber, segun outoridatnan. E víktima a wòrdu gòlpiá vários biaha i a sufri heridanan na su brasa i man. El a wòrdu atendé na e sitio mes.
Polis a indiká ku e sospechoso a hui promé ku agentenan a yega na e sitio. No a identifiká e víktima.
