BARNESVILE, GEORGIA, MERKA, AP.- Un adolesente drumí den un tienda di kamper pafó di e universidat di Georgia, ta risibiendo apoyo den e pais kompleto.
Fin di siman pasá, polisnan a haña Fred Barleu, di 19 aña, riba e campus Gordon Stat College. Asina prensa lokal a indiká. Barley a bisa na ofisialnan ku el a usa baiskel di su ruman chikitu pa mas di 80 kilometer di Conyers pa Barnesville. E tabatin dos saku di pan i dos galòn di awa pa por inskribí na lès pa e segundo semèster.
E studiante di biologia, kende kier asistí algun dia di skol di medisina tabata purbando di keda einan te ora e por a muda pa dormitorionan di e universidat riba 18 di yüli.
E hefe di polis di Gordon, Richard Carreker, a indiká ku na lugá di detené e hóben pa invashon, el a wòrdu hibá na un hotèl. Manera ku su historia a bira konosí, personanan a dun’é paña, artíkulonan di skol, sapatu i un baiskel nobo. Asta el a wòrdu ofresé pa traha den un pizzeria den e zona.
