LISBOA, PORTUGAL, AP.- Vários míles di taksista a hura pa prolongá alterashonnan di tráfiko den su protesta kontra aplikashonnan manera Uber i Cabify despues di frakasá den un reunion di gobièrnu.
Míles di taksi a blòkia tráfiko den e kapital portugues, den e protesta mas resien di Europa kontra aplikashonnan. Representantenan di taksistanan ku a reuní ku funshonarionan di transporte a bisa ku no tabatin un akuerdo i e blokeonan ta kontinuá te djamars.
E taksistanan ta keha ku e kompanianan manera Uber i Cabify no ta obligá na kumpli ku e mesun regulashonnan di entrenamentu i seguridat ku taksinan. Nan kier pa gobièrnu aprobá nuebe lei spesífiko pa empresanan manera Uber i Cabify.
Dos sindikato ku ta representá 13.000 taksista na Portugal a organisá e liña di taksi ku tabata avansá lentamente den kayanan di Lisboa. E segundo mobilisashon di su tipo den seis luna.
Vários polis tabata vigilando e protesta, den kas ku esaki bira violento i tabatin alterashonnan sporádiko na momentu ku taksistanan a konfrontá algun shofùr ku nan a pensa tabata traha pa Uber. Polis a detené por lo ménos dos manifestante despues ku a dal un outo.
