ISLAMABAD, PAKISTAN, AFP.- E talibannan di Pakistan a anunsiá djaluna den un komunikado ku nan a pone fin na un tregua akordá den yüni ku e gobièrnu pakistani i a duna miembronan di e grupo islamita òrdu pa organisá atakenan den e pais kompleto.

“Mirando ku tin operashonnan militar kontra” nos miembronan “den vários área, ta nesesario pa ataká tur sitio posibel den e pais”, segun indikashon di e movementu Tehreek-e-Taliban Pakistan (TTP) den un komunikado.

TTP  prolongá un tregua di forma indefiní pa e “progresonan” registrá den algun negosiashon di pas ku representantenan di e Estado pakistani ku a kuminsá den mei den e kapital afgano, Kabul, bou di mediashon di e talibannan afgano.

TTP, un entidat separá di e talibannan di Afganistan pero ku un ideologia similar, ta responsabel pa desénas di atentado na Pakistan.

E grupo a keda krea na 2007 pa jihadinan pakistani aliado di al-Qaeda ku huntu a kombatí e talibannan afgano den añanan 1990.

Debilitá desde 2014 pa e operashonnan di ehérsito pakistani, e grupo a rekobrá forsa desde ku e talibannan di Afganistan a gara poder den ougùstùs 2021, ku e retirada di forsanan merikano despues di dos dékada di Guera.

LAGA UN KOMENTARIO

Please enter your comment!
Please enter your name here