MADRID, SPAÑA (AFP).- Kuminsando djárason awor, uso di tapa boka ta obligatorio den hòspitalnan i sentronan di salú públiko di Spaña pa motibu dje brote di vírus di wenter, partikularmente grip, segun Ministerio di sanidat a informá.

Spaña, ku a biba e promé ola dje pandemia di Covid na kuminsamentu di 2020, a pasa vários dia studiando e medida apesar ku algun region dje pais no tabata di akuerdo. Na final di un reunion ku representantenan di diferente region dje pais riba “akshonnan koordiná di salú públiko pa motibu epidémiko”, a dekretá e medida.

Djabièrnè e minister di salú públiko, Mónica Garcia, a bisa ku gobièrnu  dje pais ke bolbe pone komo obligatorio pa usa tapa boka, pa motibu dje “oumento notabel di infekshon di vírus respiratorio”. Sinembargo, e uso di tapa boka lo no ta obligatorio den botikanan.

Durante e pandemia di Covid, e obligashon di bisti tapa boka a keda ampliamente respetá den e pais, kaminda e reglanan pa esei tabata un di esnan mas severo na mundu

LAGA UN KOMENTARIO

Please enter your comment!
Please enter your name here