WILLEMSTAD. – Un situashon ku por tuma nota di dje regularmente riba nos kayanan, esta, ku tapa di ‘riolering’ ta kita i e buraku ta keda basta dia habrí ku tu e konsekuensia ku esaki ta trese kuné. E situashon aki ta dilanti un mini market na Ser’i Pietermaai. Segun informashon ku Extra a haña, ta vários outo a kai den e buraku aki, kreando un situashon peligroso i kibra outonan tambe. Awor akí a pone un barí den e buraku. Hopi hende no ta ‘claim’, pa motibu ku hopi biaha nan no sa e kaminda pa kana i e kaminda ta largu. Resientemente Korte a honra un ‘claim’ di 10 mil florin ku Gobièrnu mester a paga un outomobilista pa un situashon similar.
