TARIFA DI GASOLIN (5 sen), DIESEL (4 sen) I GAS TA SUBI, ELEKTRISIDAT i AWA TA BAHA

WILLEMSTAD – Entrante djamars dia 3 di mart di 2020 e tarifa regulá di gasolin, diesel i LPG lo subi na Kòrsou. For di djadumingu 1 di mart 2020 e tarifa di elektrisidat i awa ta baha. Esaki Bureau Telecommunicatie en Post (BT&P) ta partisipá den su komunikado mensual riba e partikularidat aki. BT&P ta supervisá e desaroyo di preis di produktonan petrolero i di utilidat. Gasolin lo oumentá entrante di 3 di mart 2020 ku 5 sèn, diesel ku 4 sèn i gas ku 2,50 pa bòter grandi i 50 sèn pa bòter chikí. Den edishon di EXTRA mayan lo tin mas detaye.

SHARE

LEAVE A REPLY