WILLEMSTAD.- Entrante otro siman djamars 28 di yüli, preis di tantu gasolin komo diesel ta konosé un kambio, esei konforme un informe ofisial di Regulatory Authority Curacao (RAC). E tarifa final pa usuario, pa Mogas 95 ta baha kompará ku e luna anterior, prinsipalmente komo resultado di preisnan internashonal di kompra mas abou. Gasolin ta aktualmente Cg 2.66 pa liter i e ta baha na Cg 2.54 pa liter. E tarifa final pa usuario pa Gasoil (U)LSD tambe ta baha debí na preisnan internashonal di kompra mas abou. Pa Gasoil (U)LSD e faktor di korekshon ta ménos negativo kompará ku e luna anterior, loke ta limitá e bahada den e tarifa. Diesel su preis aktual ta Cg 2.16 pa liter i e ta bira Cg 2.13 pa liter entrante 28 di yüli. Gas pa kushina si ta keda meskos, Cg 80,- i Cg 16,- respektivamente pa e bòter di 100 lb i esun di 20 lb. Mas detaye den edishon di EXTRA.
