WILLEMSTAD.- For di 16 di novèmber 2011 ta posibel pa klientenan doméstiko i kompanianan na Kòrsou produsí koriente duradero pa propio konsumo den kombinashon ku konekshon riba ret. Na e momentu akí ta aplikando pa tarifa di entrega bèk di koriente na e ret tarifanan ku ta konsistí di un kompensashon di NAf 0,25 kWh tarifa di entrega bèk di koriente den kombinashon ku un kompensashon fiho di NAf 8,00, NAf 16,00 òf NAf 24,00 pa luna pa kada kWp instalá.
E kresementu di merkado pa instalashonnan PV durante di último añanan den 2022 a reanudá i bira mas fuerte. E faktor mas importante den esaki ta trata di e oumento robusto di e tarifanan usuario final regular pa elektrisidat durante 2022 na un promedio di kasi igual di invershon pa un instalashon ku pènelnan solar.
Esaki tin un efekto faborabel riba e periodo di ganashi bèk pa usuario final ku produkshon di elektrisidat duradero pa uso propio debí na e ekonomisashonnan ku ta surgi for di aki.
A base di e evaluashon anual konforme e “Tariefrichtlijn kleinschalige duurzame stroomvoorziening” Gobièrnu di Kòrsou pa e motibu ei a tuma e desishon pa mantené e tarifanan ariba menshoná. E pago mensual fiho pa kubri e gastunan pa uso i poné na disposishon di e ret, e konekshon di ret i e kapasidat di produkshon lo wòrdu mantené.
E tarifa pa koriente debolbé tambe lo keda mantené na NAf 0,25 per kWh. Komokiera ku esaki ta rasonablemente den liña ku e kostonan di elektrisidat duradero produsí komo parti di e klóusula di kombustibel.
Mediante e mantenementu di tarifanan di entrega bèk aktual pa 1e di yanüari 2023, manera menshoná den e skema akibou, lo sòru pa e usuario partikular òf empresanan por realisá un periodo di ganashi rasonabel ku ta ubiká na e parti abou ku por pasa e periodo di ganashi bèk internashonalmente. Tambe ta bin aserka ku e preisnan di kompra pa e kompania di ret ta rasonablemente den liña ku e klóusula di kombustibel i e kostonan di atkisishon di energia duradero di tersera komo parti di e tarifa di usuario final reglamentá pa elektrisidat.
