Na Rotterdam 31 di mei i 1 di yüni
WILLEMSTAD.- Preparashon grandi pa Taste World Festival -Caribbean Edition 2025 na Prinsenpark, Rotterdam. Dianan 31 di mei i 1 di yüni ta e festival aki den Rotterdam. Jason Steba di Taste World Festival ku hopi entusiasmo a konta EXTRA di e preparashonnan. E festival lo tuma lugá na Prinsenpark, un vèlt grandi ku lo kambia den un tereno di festival.
Ta spera sigur 4 mil hende pa dia riba e tereno. Lo tin karchi na porta manera Jason a splika.
Jason a bisa ku nan ta kla ku e preparashonnan. Ta un di e ‘food’ festivalnan di mas grandi na Rotterdam. Lo bai tin 70 tènt i gran parti ta di kuminda ku ta representá islanan di Karibe manera di Korsou,. Boneiru, Aruba, Venezuela, Colombia, Repúblika Dominikana, Sürnam i tambe Haiti. Esaki ta e edishon karibense di e festival di kuminda. Tur kushina karibense lo haña plataforma pa brinda nan kuminda.
ABC lo ta representá ku trùk di pan i tambe lo tin tèntnan di BBQ, kuminda dushi tradishonal i lo tin kosnan di Aruba manera e saku.
E kuminda ta unu pa famia. E parti di dia 31 ta kuminsá ku e debate di drùm entre 5 grupo. I banda di esei lo tin diferente tayer pa hende grandi i chikí. Tayer di pinta, pa hende grandi tayer di kushina, kon pa marina i sasoná, tayer di baile karibense, ‘blind food tasting’ i kantidat di otro kos pas pa famia kompletu. Djadumingu e ta mas un dia di famia ku yen di spèl pa famia entre otro un ‘speurtocht’. Ta un evento pa pasa dia. E ta habri 12 or di mèrdia te 8 or di anochi.
Pa e tayernan por registrá enpartikular pa e muchanan. Esei por sosodé riba www.e-toko.nl. Einan por haña karchi tambe delantá.
