Tata di kriansa  tabata violá yu menor kada bes e haña un chèns

WILLEMSTAD.- Korte superior ayera a konfirmá kondena di e akusado D. Martir di (35), nasé na Jamaica akusá pa violashon seksual di un menor.

Martir ta keda  akusá di a violá  yu di e dama ku e ta kompartí bida kuné di 16 aña.

E tabata probechá di dje kada bes e haña un chèns.

Esaki lo a sosodé den e periodo di 8 yüni 2015 te ku 24 di yüni 2015.

Pa ku esaki e akusado a risibí un kondena  di   42 luna di kual 6  kondishonal, den korte di promé instansia.

E akusado a apelá su sentensia pa motibu ku e ta bisa ku kaminda  e mucha a bai keda, e señora a instig’é pa hasi denunsia falsu kontra dje.

Segun Ministerio Públiko, Martir tabata hasi penetrashon, sex oral i mishi ku parti nan íntimo di e víktima.

Mama di e damita ta di Jamaica i mester a sali pa su pais pa regla algun asuntu.

Hasiendo esaki el a laga su yu muhé i su yu hòmber serka e akusado, na su apartamentu pa despues nan bai serka un bisiña, ku ta keda pegá ku su apartamentu.

E señora a konta ku un dia e damita a haña karta di skol pe bai laman.

E akusado  a firma e karta i a bin buska e damita pe bai kumpra zuèmpak.

Segun e señora, ora ku e mucha a bin bèk, e tabatin  un holó hopi fuerte, ku nunka anterior no tabata e kaso.

Den oranan di mardugá e mucha a bin serka dje i bis’é ku el a soña ku un hende kier a mat’é.

E señora e ora ei a bira puntr’é kiko ta pasando, di kual e damita a sak su kabes abou kuminsá yora i bis’é ku e akusado a viol’é den apartamentu di su mama.

E akusado tin hopi aña na Kòrsou i a opten’é nashonalidat ulandes i tabata sòru pe famia finansieramente. E damita a deklará na polis ku  kada bes e akusado tabata hasi sex kuné di tur forma.

El a bisa e akusado ku e no kier a  hasié pa motibu ku e ta mir’é komo tata i ta asina su mama a pidi nan pa yam’é.

Martir tabata pone kusinchi riba su kara pa e no grita i despues ta puntr’é si el a gusta. E damita ta bisa no.

Segun e damita  e akusado ta duna e ruman sèn i  bis’é pe bai toko pa kumpra kos pa asina haña chèns kuné.

E damita a deklará ku e akusado a manda vários ‘app’ pe i bis’é si e lag’é bolbe hasié un bia mas e lo kumpra paña pe.

Polisnan en bèrdat  a haña  e mensahenan den telefòn di e damita.

Polisnan a mira entre otro ku e ta bisa e damita pa “delete” tur e teksto nan.  Tambe e ta puntra e damita si e gusta e sex oral i ku e ke keda hasi sex kuné.

Na momento ku polis a konfrontá e akusado ku e tekstonan, el a ninga tur esakinan.

Su abogado a bisa ku e deklarashonnan di e damita ta inkonfiabel i pa Hof deklará deklarashon no atmisibel.

Hof a bisa den su demanda, meskos ku korte di promé instansia  nan ta haña e deklarashonnan di e víktima sufisiente, konsistente i detayá. Tur esakinan a pone ku Hof a haña e kondena di korte di promé instansia na su lugá.

 

 

SHARE

3 COMMENTS

  1. Sigur sigur. E kosnan ei ta buta ku hopi mama ku ju muhe no ke drenta relashon ku ningun homber. No por kulpanan tampoko. Nan ke proteja nan ju(nan)

LEAVE A REPLY