JERUZALEM (AFP).- E tata di Almog Meir Jan, un dje kuater rehennan israelí reskatá djasabra último den Gaza, a muri un dia promé ku su yu a keda liberá, segun e ruman Yossi Jan. Almog tabata koutiverio durante di ocho luna despues di a keda sekuestrá i ku komandonan di Hamas ku a hib’é Gaza.
Dina Jan a bisa Jossi Jan a muri “di tristesa, e so den su kas”. “Mi ruman a muri di tristesa, e no por a mira Almog. E no por a soportá e situashon”.
Segun e ruman muhé, un dia promé ku regreso di Almog esaki su tata a muri di atak’i kurason. El a haña e ruman morto na momento ku el a bai informá esaki ku a liberá Almog.
Segun Dina ku su famia ta kontentu pa regreso di su subrino, pero ku ta duel nan ku Yossi no por a mira su yu.
“Almog ta ekspresá su “gratitut pa e apoyo i amor risibí, pero ta pidi privasidat pa yora su pèrdida”, segun e asosiashon ku a bisa ku e seremonia no ta habrí pa públiko ni prensa”.
Ehérsito israelí djasabra a anunsiá e liberashon di Noa Argamani, di 26 aña, i di tres hòmber: Almog Meir Jan, di 22; Andrey Kozlov, di 27; i Shlomi Ziv, di 41.
Tur kuater a keda sekuestrá den e festival di muzik Nova durante e atake di 7 di òktober ku a marka inisio di e guera aktual den Gaza entre Israel i Hamas.
