HOUSTON, AP.- Dos tayer di avion di United Airlines a eksplotá despues ku e piloto mester a para inesperadamente miéntras esaki tabata lanta na un aeropuerto na Houston. E paro inesperá tabata pa miedu di un posibel problema mekániko, segun outoridatnan di e aeropuerto a informá.
E Boeing 737 su buelo tabata lantando di e aeropuerto interkontinental Bush ku destino pa Denver alrededor di 6’or di mainta riba djaluna, na momentu ku e tripulashon a mira un posibel mal funshonamentu mekániko.
E piloto a tuma akshon dor di brek.
Dos tayer di e avion a eksplotá miéntras e avion a para direpente. No a reportá ningun persona heridá entre e 164 pasaheronan i e seis tripulantenan di e avion.
E pasaheronan a wòrdu hibá bek na aeropuerto i a subi un otro avion direkshon di Denver.
No ta kla kiko e problema mekániko aki e avion por a sufri.