WILLEMSTAD.- Dia di amistat i amor ta un dia spesial pa demostrá bo apresio na bo sernan kerí, P’esei TDS ku tin un kurason komo su logo ta yuda tur su miembronan pa mustra nan apresio na nan sernan kerí.
Riba 14 i 15 di febrüari, tur kliente di TDS ku hasi uso di nan VIP Discount Card, por kumpra 1 karchi di e LOVE Music & Food Festival di dia 16 di febrüari awor na Mathey Werf, i na mes momento TDS lo regalá e persona 1 karchi kompletamente grátis pa su San Valentino.
Asina mes, komo spònser ofisial di grupo di Karnaval Zoy’e, TDS lo regalá TUR kliente, ku pasa na nan ofisina na Vinik Plasa i kumpra 1 karchi pa e LOVE Music & Food Festival i mustra e VIP Card, 1 karchi mas. Esaki komo muestra di e apresio pa ku su klientenan ku ta keda kere den e úniko kompania di TV paga originalmente di Kòrsou.
Pues si abo no a kumpra bo karchi ainda, òf bo no sa kiko regalá e persona spesial, esaki ta e oportunidat ideal pa kumpra 1 karchi i risibí 1 grátis serka TDS. Pues pa 50 florin awor bo ta risibí 2 karchi na lugá di 1, ya ku TDS ta regalá bu e di 2. Na entrada di e festival kada persona lo risibí tambe 4 token mas un LOVE Kùp pa bo bibidanan durante di e festival. E Kùp aki ta unu ku bo lo por sigui usa pa hopi aña despues.
E festival ta tuma lugá 16 di febrüari na Mathey Werf, bou di pia di Julianabrug (Otrobanda), un festival ku ta tuma lugá den oranan trempan di atardi kuminsando 4 or di atardi ku atrakshonnan pa muchanan manera bouncer, bula den saku, dal bleki ku bala, kana den trein huntu riba un planki …. en fin diferente tipo di wega ku nos a konosé den nos hubentut i di mes kombiná ku pòpkòrn, hòdòk pa nos muchanan i diferente “food station” pa nos grandinan. Den oranan di trempan nos lo haña agrupashon Kòmper i tambe Gino & Friends i Dj Beetz pa deleitá nos oreanan.
E sekshon di mucha ta terminá 8 or i mayornan ta baha nan yunan na kas i bin bèk pa sigui gosa di e kumindanan variá i tambe e bandanan ku lo sigui te 2AM, kual ta Gentz ku Ray Lauffer, Rhydd’m, Highway Band i tambe ONE ku nos Rei di Tumba 2019 Dibo Doran. Un rekordatorio na tur ku ta bai e festival i sali, e persona mester bini bek ku su kùp. Na entrada pa bo bolbe drenta ta kontrolá bo banchi i si e cup ta bashí ya ku no por drenta ku líkido den e kùp.
Pues TDS ta warda tur su klientenan riba 14 i 15 di febrüari di 8:30 te ku 17:00 pa pasa buska nan karchi grátis. Kantidat ta limitá pues hasi lihé. Kòrda si ku tin término i kondishon pa ku e kampaña aki! TDS kier kòrda bu tambe ku si bo no tin bo TDS Discount Vipcard, bo por tuma esaki tur dia di siman na TDS Vinik Plasa.
