WILLEMSTAD.- Durante di un konsierto grandi ayera nochi na WTC, tegel den baño di e sentro aki a kai riba un persona i lastimá esaki.
EXTRA a komprondé ku den baño di hende muhé, vários tegel a los, nèt kaminda e pochi wc ta i a kai riba hende.
Nos a papia ku Ephrem J ku a presentá e anochi ei pa por tende di su banda kiko a sosodé, ya ku nos no a logra haña representantenan di WTC ainda.
E artista a duna di konosé ku enberdat el a tende di e insidente pero e no tin masha informashon na e momentu ei. Mas a leu el a indiká na redakshon di EXTRA ku awe durante di dia e lo bai atendé ku propietarionan di e sentro aki pa por risibí mas informashon di e suseso i wak kon lo bai atendé ku e situashon aki mas aleu.
