WILLEMSTAD.- Ultimo dianan na vários parti di Kòrsou riba murayanan di edifisio por mira tekstonan skibí kontra di un tal Hans Stadt. E hende ta skibi na hulandes ku pa 100% Hans no ta bati hende muhé mas. E tekstonan ta hala atenshon pasobra unda ku bira ta topa nan. Ta opvio ku e persona òf personanan ku ta hasi e kosnan aki ke trata di bisa algu. Na e Rotònde di Janwe riba e muraya a spùit e teksto, i hasta riba vangrail kual ta destrukshon di propiedat públiko. Tambe e persona a spùit riba muraya dje edifisio unda ántes tabata Wimco. Pa kolmo nèt a kaba di duna e edifisio un kara nobo. Pa ayera a pasa un man di fèrf riba e edifisio di Wimco kita e teksto. Nos a tuma nota ku sr. Hans den deklarashon na medionan a bisa ku e sa ken lo ta outor di e tekstonan i ku e lo  tuma pasonan legal kontra e persona aki.

LAGA UN KOMENTARIO

Please enter your comment!
Please enter your name here