KABUL, AFGANISAN, AFP.- Un temblor di magnitut 4,6 a sakudí Afganistan djaluna, partikularmente den e kapital Kabul, segun indikashon di e servisio geológiko di Merka, USGS.

Segun USGS, e temblor a sosodé den distrito Paghman, den provinsia di Kabul.

E bosero di ministerio afgano, Tamim Azimi a konfirmá a informashon despues di a anunsiá un temblor di 5,3 insialmente. Te ainda outoridat no a duna un sifra tokante e dañonan. Pero e residentenan di Kabul a sinti esaki manera un eksploshon fuerte, obligando diferente persona pa sali for di tur e edifisio i kas komo prekoushon si esakinan kolèps.

E parti nort di Afganistan i Pakistan ta wòrdu afektá frekuentemente pa temblor. Riba 9 di mei 2018, un temblor di 6,2 a wòrdu registrá na nort di Afganistan, pero esaki no a kousa hopi daño. Den òktober 2015, un temblor di magnitut 7,5 a kousa kasi 400 morto na Pakistan i Afganistan.

LAGA UN KOMENTARIO

Please enter your comment!
Please enter your name here