SIUDAT DI MEXICO, AP.- Un temblor a asotá e parti sùit i sentral di Mexico, kousando alarma den e pais ku apénas ta rekuperando di dos temblor poderoso ku a laga mas di 400 morto.
E Servisio Geológiko di Merka a informá ku resientemente e temblor tabatin un magnitut di 61, i su episentro tabata 18 kilometer na sùit-sùitost di e pueblo di Matias Romero, na Oaxaca, na sùit di e pais.
19 di sèptèmber último tabatin un temblor di magnitut 71, i algun siman promé, dia 7 di sèptèmber, un otro di 8,1 ku a asotá parto sùit di e pais.
Ademas, e volkan Popocatepil serka di Siudat di Mexico a tira un nubia ku shinishi djasabra, ku sigur dos kilometer di ekstenshon, pero ekspertonan a indiká ku esaki no ta relashoná ku e temblornan. E seru di 5.426 meter di altura tabata efektuando erupshon periódiko desde 1994.
Oaxaca tabata esun pa afektá pa e temblor na komienso di sèptèmber kual a laga por lo ménos 96 morto.
E gobièrnu di Oaxaca a informá den un komunikado ku algun kas a kolèps i un muhé a muri na momentu ku muraya di su kas a kai riba dje den Komunidat di Asunsion Ixtaltepec.
Kuater persona a resultá leshoná na Juchitan i tres mas den Tlacotepec, ounke nan bida no tabata na peliger.
Presidente Enrique Peña Nieto a señalá riba su kuenta di Twitter ku entre e dañonan registrá tin un brùg afektá i algun struktura mas ku a basha den otro.
E temblor mas resien a sakudí algun edifisio den Siudat di Mexico, kaminda kuater dia promé desena di edifisio a basha den otro pa e temblor. Te ainda 305 persona a fayesé pa e temblor aki, 167 di nan den e kapital di e pais.
