SIUDAT DI MEXICO, AP.- E temblor fuerte ku a asotá siudat di México a provoká ku un edifisio di vários punto a basha den otro den e kapital i a laga por lo ménos 119 morto i un kantidat indeterminá di persona pega bou di restunan ku a basha den otro.
Despues ku e moveshon a kuminsá, mayoria a Sali for di edifisionan den Paseo di reforma, un di e avenidanan prinsipal di e kaya. Tabatin vários persona brasando otro i yorando, i tráfiko a para kompleto.
Servisio Geológiko di Merka a indiká ku e temblor tabatin un magnitut di 7,1 grado i ku e episentro tabata sinku kilometer na nortost di e lokalidat di Raboso, den estado di Puebla. E temblor, 51 kilometer di profundidat, a registrá algu despues di 1’or di atardi ora lokal.
E hefe di gobièrnu di Siudat di México, Miguel Angel Mancera, a indiká den un entrevista ku un kanal di televishon lokal ku tabatin indikashonnan di edifisionan ku a kolèps i personanan pega bou di restu di edifisionan pero no a duna mas detaye.
Dos ora despues di e temblor, e gobernador di estado di Morelos, Graco Ramirez, a publiká un rapòrt preliminar di esnan ku a fayesé riba su kuenta di Twitter: por lo ménos 119 morto den 11 munisipio.
E aeropuerto Internashonal Benito Juarez a suspendé tur su operashonnan te ora ku e revishon di tur infrastruktura konkluí.
