WILLEMSTAD.- Servisio Meteorológiko Kòrsou den kareda di 18:10 O.L. a emití boletin (kódigo hel) di temblor pa Kòrsou.
Un temblor a tuma lugá pero no tin e potensia pa generá tsunami na Kòrsou.
Informashon èkstra: Ora di orígen: djárason, 24 di yüni 2026 22:04 UTC/18:04 O.L. (Ora ku e temblor a tuma lugá). Lugá di orígen: 53 km wèst di Puerto Cabello, Venezuela Magnitut: 7.1
MEDIDA DI PREKOUSHON: Prepará pa evakuá tur playa i área plat na kosta; Marineronan ta ser konsehá pa no drenta bahianan te na momentu ku un mensahe di “ NO TIN PELIGER DI TSUNAMI” a ser emití; Si bo ta paden durante di un temblor, buska protekshon bou di muebel fuerte, òf drumi abou i tapa bo kabes, den kaso ku bini mas temblor; Si bo ta pafó durante di un temblor, buska un lugá habri i drumi abou; Si bo ta den vehíkulo durante di un temblor, hala na kantu, i evitá palu di lus i koriente i brùg, si ta posibel;
