RIO DE JANEIRO, AP.- E presidente brasilero Michel Temer a pone fin na e spekulashon ku e por buska reelekshon apesar di enkuestanan ta duna indikashon di popularidat abou. Djamars el a anunsiá su respaldo na e minister di finansa pa votamentu di òktober.

E anunsio di sostené e minister Henrique Meirelles a pasa algun luna despues ku e mandatario a evaluá si e lo postulá atrobe pa presidensia òf no.

E desishon di Temer den un rekonosimentu ku e índise pober di aprobashon ku e tin den enkuestanan, i su problemanan legal kresiente pa kandidatura tabata poko probabel ku e lo ta kompetitivo.

Temer tabata visepresidente na momentu ku el a yega na poder na aña 2016, despues ku e presidente Dilma Rousseff a wòrdu destituí pa atministrá e presupuesto federal di forma ilegal.

Despues di supervisá un kantidat di reforma, inkluyendo enmiendanan na leinan federal,e gobièrnu di Temer a enkontrá vários skandal.

LAGA UN KOMENTARIO

Please enter your comment!
Please enter your name here