Si ke mengua e daño kuminsá prepará for di awor

WILLEMSTAD.-Temporada di orkan ta kuminsá 1 yüni i den e kuadro ei gobièrnu di Kòrsou, minister Cooper huntu ku direktor di Servisio Meteorológiko Albert Martis a duna informashon na komunidat. Minister Cooper a splika ku den e parti di preparashon a invitá e diferente departamentunan manera OW, DOW etc i tambe ministerio GMN komo ku e último aki ta responsabel pa damnan. Ya kaba a kuminsá ku preparashon pa tene destaho, konforme reglanan di kontabilidat, pa kuminsá ku limpiesa di roi i damnan. Minister Cooper a bisa ku tur kos ta indiká ku e aña aki lo bira un aña eksepshonal pasobra ta spera un temporada mas aktivo. Algun siman pasá a registrá 320 mm di awa na Soto.

Direktor di Meteo dr. Martis na su turno a duna di konosé ku ta importante pa kuminsá prepará tempran. Un indikashon klave ta temperatura di laman, meskos ta e kantidat di velosidat di bientu ku ta determiná e tipo di sistema. Den 2024 ya kaba a registrá temperatura di 27 c den laman. Ta premirá ku den lunanan ougustus pa oktober e temperatura aki lo oumentá. E temperatura a surpasá e averahe normal i e averahe di aña pasá kaba. E situashon ku Kòrsou a eksperensia na Banda Bou ta motibu pa keda alerta ora sistemanan ta yega mas serka di e isla aki. Den La Niña por spera bientunan ménos fuerte na nivelnan haltu. Durante desaroyo di un sistema esaki no ta wòrdu strobá. Ta premirá ku debí ku tin La Niña lo tin un oumentu di sistemanan tropikal.

Si ke mengua e daño kuminsá prepará for di awor. Un di senarionan ta ku por bolbe spera un ‘Thomas’ i p’esei ta importante pa hasi tur loke ta posibel pa mengua e daño ku awa por hasi na kas i den bario.

Ora orkan ta pasa mas leu, esei ta pone ku bientu ta kai na Kòrsou i ta bira mas kalor. Ta importante pa kuminsá tene kuenta i prepará pa temporada di hopi kalor. ‘Prepará bo kas, kontrolá rondó di bo kas , elimina kosnan ku por stroba fluho di awa. Gobièrnu i instansianan ta hasi preparashon, pero kada hende tambe mester hasi nan parti di preparashon.” Mas detaye den edishon di EXTRA.

 

LAGA UN KOMENTARIO

Please enter your comment!
Please enter your name here