DALLAS, AP.- Texas lo usa un solo droga pa realisá ehekushonnan na lugá di e método tradishonal ku tres, ya komo e di dos droga a kaba. Asina funshonarionan a informá djamars.
E depar tamentu di hustisia kriminal di texas lo usa solamente Pentobarbital, asina e organismo a bisa djamars pa via un komunikado na The Associated Press. Pentobarbi tal ta un sedante ku ta e promé di e tres droganan pa keda atministrá.
E reservanan di e di dos droga, bromuro de pancuronio a kaba i no ta posibel pa haña mas, asina e bosero Jason a Clark a indiká. Clark a bisa ku otro estadonan tambe ya ta usa un solo sedante i e kortenan a keda ratifiká den e prosedimentu.
Texas ta e estado mas aktivo ku pena di morto den e pais. Nan a ehekutá 482 persona for di dia a bolbe pone e pena aki pa drenta na vigor na aña 1982. E aña aki 5 persona a wòrdu ehekutá.
“Dor di implementá e kambio den protokòl na e momentunan aki ta sigurá ku e agensia ta kapas di kumpli ku su responsabilidat legal pa tur ehekushon ya programá”, asina Clark a bisa den un komunikado.
E próksimo ehekushon ta programa pa 18 di yüli.
