SAN DIEGO, AP.- Trintidos migrante a tèst positivo pa influenza den un sentro di prosesamentu importante na frontera ku México. E sentro a wòrdu sera temporalmente pa kontené e brote, segun indikashon di outoridat merikano.

No ta konosí si e pashèntnan tabatin kontakto ku un guatemalteko di 16 aña detené den un instalashon an McAllen, Texas. E mucha a muri djaluna, un dia despues ku el a wòrdu diagnostiká ku e vírus i transferí pa un stashon mas chikitu.

Un funshonario di patruya na Frontera  a bisa ku 32 menor i adulto malu a wòrdu poné den karentena den un sentro di detenshon mas chikitu. E funshonario a pidi pa keda anónimo dor ku e no tin pèrmit pa hasi deklarashon na prensa.

E sentro prinsipal a wòrdu limpiá i habri despues, asina el a agregá. E siere ta oumentá e karga riba un sistema ku ta kompletamente abruma pa e gran kantidat di migrantenan.

Dor di e siere di e instalashon, mayoria di e personanan aki a wòrdu transferí pa un otro stashon di migrante.

LAGA UN KOMENTARIO

Please enter your comment!
Please enter your name here