‘The Movies Otrobanda’ a presentá su ‘VIP Experience’

WILLEMSTAD.- For di ayera tur hende mayor di 18 aña por disfrutá di un manera nobo pa wak pelíkula na The Movies Otrobanda. E ‘VIP Experience’ ta brinda e oportunidat úniko pa den un ambiente 5 strea disfrutá di un pelíkula. Imaginá bu un stul konfortabel, servisio spesial dor di un tim di VIP i un menú varia prepará pa kokínan ku eksperensia.
Evitá tempu di warda, kumpra bo karchi ‘online’, mustra bo kódigo na e mesa di VIP i pasa mesora pa e sala VIP. Para den rei pa un ko’i bebe òf un snek ta kos di pasado.
‘VIP Experience’ ta brinda e públiko un servisio tòp ku un tim spesial i ku servisio ‘à la carte’, miéntras abo ta relahá trankil, ku pia na laira i lomba di stul patras.
Karchinan pa ‘VIP Experience’ por keda reserva i kumpra ‘online’ via di e ‘website’ i página di facebook di ‘The Movies Otrobanda’, karchinan ta optenibel tambe na takia di The Movies Otrobanda. Semanalmente e agènda di pelíkula di ‘VIP Experience’ ta riba website i página di facebook.
For di kuminsamentu di luna di novèmber 2019 e nòmber di The Cinema a kambia pa The Movies Otrobanda. Awor tin un website ku tin tur informashon di The Movies Otrobanda i The Movies Punda.
Ayera nochi miembronan di prensa i algun invitado tabatin e oportunidat di biba e eksperensia di ser un VIP na The Movies Otrobanda.

SHARE

LEAVE A REPLY